Karl von Drais

Als Forschtinspektor
produziert der Herr vun Drais
iwwerhaupt net viel Förschterschweiß.
Er pflegt liewer sein Erfinderfleiß.

Beschtelt rum un num
un sitzt dann stolz
uf seim Ding aus Escheholz
un zwei Räder. Domit rollt’s

so leicht durch de Hardtwald.
De Reitsitz kommod,
de Rahme gelb-rot.
Der Mann aus Karlsruh isch halt Patriot.

Doch’s Lewe laaft net so wie die Laaf-Maschin.
E Patent ferd Draisine? Des isch zu verzwickt.
Er werd stattdesse getritzt und gedrickt.
Sie sage jetzt gern, der Karl wär verrickt.

Dann isch der Freiherr a noch so frei:
trennt sich per Anzeig doch glatt vun seim „von“.
Koi wunner verliert er d’Beamtepension
noch der gescheiterte Revolution.

Er stirbt arm un vergesse.
Doch wie mer heit weiß:
Die Erfindung vum Drais
war koin…
…Schade fer die Menschheit.